ஓ.என்.ஜி.சி சார்பில் இந்தியாவில் 22 இடங்களில்
தந்தை பெரியார் பிறந்த நாள் விழா
தந்தை பெரியார் பிறந்த நாள் விழா
மய்ய அரசின் நிறுவனமான எண்ணெய் மற்றும் இயற்கை வாயு நிறுவனத்தில் (Oil and Natural Gas Commission - ONGC) தந்தை பெரியாரது பிறந்த நாள் நாடு முழுவதும் உள்ள அதன் அலுவலகங்களில் 22 மய்யங்களில் கொண்டாடப்பட்டது.
தந்தை பெரியார் பிறந்தநாள் விழா நடைபெற்ற இடங்கள்: அகர்தலா (திரிபுரா), அங்கிலேஸ்கர் (குஜராத்), பரோடா (குஜராத்), பொக்காரோ (ஜார்காண்ட்), கோவா, டேராடூன் (ஓ.என்.ஜி.சி தலைமையிடம்), ஜோத்பூர் (இராஜஸ்தான்), ஜோத்பூர் (குஜராத்), ஜோராத் (அசாம்), காம்பே (குஜராத்), சென்னை (தமிழ்நாடு), புதுடில்லி (தேசிய தலைநகர்),
கிழக்கு கடற்கரை (காக்கிநாடா - ஆந்திரா), அஜீரா (குஜராத்), காரைக்கால் (புதுச்சேரி), மேசானா (குஜராத்), மும்பை (மகாராஷ்டிரா), நஜிரா (அசாம்), சில்சர் (அசாம்), உரான் (மகாராஷ்டிரா), கொல்கத்தா (மேற்கு வங்காளம்) இராஜமுந்திரி (ஆந்திரா) ஆகிய 22 இடங்களில் உள்ள ளிழிநிசி அலுவலகங்களில் தந்தை பெரியார் 138ஆம் ஆண்டு பிறந்த நாள் விழா விமரிசையாகக் கொண்டாடப்பட்டது.
தந்தை பெரியார் பெயரால் கைப்பந்து விளையாட்டுப் போட்டி
பிறந்த நாள் விழாக் கொண்டாட்டத்தின் ஓர் அங்கமாக, தமிழ்நாட்டில் உள்ள ஓ.என்.ஜி.சி.அலுவலகங்கள் சார்பில் ஒவ்வொரு ஆண்டும் தந்தை பெரியார் கைப்பந்து (வாலிபால்) போட்டி நடத்தப்படுகிறது. ஓவ்வோர் ஆண்டும் செப்டம்பர் 17ஆம் நாளில் இந்தப் போட்டி நடத்தப்படுகின்றது. இவ்வாண்டு தமிழ்நாடு - இராமநாதபுரத்தில் நடைபெற்றது. தமிழக அரசின் அமைச்சர் மணிகண்டன் விழாவில் கலந்து கொண்டு விளையாட்டுப் போட்டியில் வெற்றி பெற்ற வீரர்களுக்கு பரிசுகளை வழங்கினார்.
அனைத்து நிகழ்ச்சிகளிலும் அந்தந்த அலுவலக உயர் அதிகாரிகளும், பணியாற்றும் அலுவலர் மற்றும் ஊழியர்களும் பெரும் திரளாக கலந்து கொண்டனர். ளிழிநிசி நிறுவனத்தில் தந்தை பெரியாரது பிறந்த நாள் விழா கொண்டாட சி. சேதுபதி, மின் பிரிவு தலைமைப் பொறியாளர் டி.எஸ். அன்பரசு ஆகியோரின் பங்கு முக்கியமானது.
தந்தை பெரியாரது சமூகப் புரட்சிப் பணிகளின் பலன் மய்ய அரசு ரீதியாக அங்கீகரிக்கப்பட்டு அலுவலக ரீதியில் பெரியாரது பிறந்த நாள் விழா கொண்டாடப்பட்டுள்ளது, "பெரியார் உலக மயமாகிறார்" எனும் லட்சியப் பயணத்தில் ஒரு மைல் கல் சாதனை ஆகும்.
- நமது செய்தியாளர்
-விடுதலை,24.9.14
கருத்துகள் இல்லை:
கருத்துரையிடுக